الحب

الحب. الحب. الحب.

كلنا نعرف الحب أوله إحترام وثانيه الإهتمام.، وماكو علاقه ناجحه دون الإحترام، ومافي أجمل من الحب.. بس احيانا يكون الحب ألم وعذاب لما يكون من طرف واحد، بس هذا مو موضوعنا، موضوعنا عن الحب بشكل عام..

أولا: الحب لاهو عيب ولاهو حرام، والحب ماله عمر، الصغير يحب الكبير يحب وهذي الحياة..
ما قام اتكلم عن حب الأهل والربع، لا انا قام اتكلم عن الحب نفسه.. الحب إلي طق طق، عمي أبي بنتك..

بس تدرون متى الحب يكون عيب وعار عالمجتمع؟ لما بنيه تطلع مع صبي؟ اهني العيب.. شنو إلي مانعك ما تروح تخطبها؟ صغيره؟ لا تأذيها ولا تشوه سمعتها، اخطبها بعدين.

والحب إلي نشوفه هالأيام كلش مو هذا الحب، الحب لاهو تسليه علشان تتسلى فيه، ولا هو لعبه بينا..

تدرون متى الحب عذاب وألم؟ لما يكون من طرف واحد وآخخ على هالنوع من الحب، تتوت أو بالأصح تغرد حب وإنت قاصده حق شخص، ولا انت داري المقصود يقرالك ولا ما يقرالك؟ داش تويتر ولا مو داش؟

بس الحب على كل أحواله جميل..

تدرون شلون يبدي الحب الحقيقي؟ لما يكون عواميده الإحترام والإهتمام..، إنتي لما تشوفين واحد محترمج ومهتم فيج، بيكبر من عينج؟ بتعجبين فيه وبشخصيته وبإحترامه وبإهتمامه؟ هذا شي أكيد.. عكس إلي يهينج ومايعبر لج وجود، بتكرهينه وبتحقدين عليه...

الحب دون عواميده ما ينبني، الحب رائع عندما ينتهي بزواج، وماكو إنسان بهالدنيا ما يحب..
الحب: احترام، اهتمام، ثم زواج..

وعسى كل من حب هو ولي يحبها، اساميهم ببطاقة عرس وحده مكتوبه..

هذا الحب ولا بلاش..

A.JAYY.